بارگاہِ رب میں اپنا سر جھکا کر دیکھ لو

بارگاہِ رب میں اپنا سر جھکا کر دیکھ لو 

ہر بلا ٹل جائیگی تم آزما کر دیکھ لو

کفر کے ماتھے پہ آہی جائیگا فورا شکن 

تم رضا کے نام کا نعرہ لگا کر دیکھ لو

فکر کو پاکیزگی ہوگی میسر بالیقیں 

مدحت شاہ امم لب پہ سجا کر دیکھ لو

قبر میں ہر سو نظر آئیگی تم کو روشنی

شمعِ عشقِ مصطفیٰ دل میں جلا کر دیکھ لو

 وہ بلالیں گے تمہیں اپنے دیار پاک میں 

ہجر طیبہ میں ذرا آنسو بہا کر لو

جاگ اٹھے گی تمہاری سوئی قسمت اے بلال

نقش پائے مصطفیٰ سر پر اٹھا کر دیکھ لو

۔۔۔۔۔۔۔۔۔۔۔۔۔۔۔۔۔۔۔

*از قلم :-*

*محمد بلال رضا مدنی*

*احمدآباد، گجرات*